Pak ditë më parë një ngjarje e frikshme është regjistruar në qytetin e Durrësit, ku shtetasi Aleks Marku ka qëlluar drejt policisë ndërkohë që mbante peng fëmijët e tij.
Vjehrra e Markut ka dhënë detaje të reja në lidhje me dhëndrin. Ajo ka thënë se vajza e saj dhunohej nga Marku dhe fëmijët ishin terrorizuar nga babai i tyre.
Gjithashtu ajo ka shtuar se 40-vjeçari ka qenë i alkoolizuar dhe nuk punonte pasi nuk dëgjonte askënd. Ajo ka thënë se nuk ishte në dijeni se bashkëshorti i vajzës së saj ishte dënuar më herët për vjedhje por ishte në dijeni për dhunë.
Ajo ka deklaruar në emisionin “Me zemër të hapur” se pasi vajza e saj ishte larguar në Itali për dokumentat e fëmijëve ai ishte betuar se nuk do t’i prekte ata por nuk i ka lejuar gjyshërit t’i takojnë nipërit.
Gjithashtu ajo ka fajësuar edhe babain e Markut duke thënë se gati gjysmën e të këqiave ndaj vajzës së saj i kishte bërë ai.
Deklarata e vjehrrës:
“Ne na kanë marrë sot në orën 4. Ne nuk dimë gjë, se nuk na i ka qitur fëmijët. Bardha iku në Itali për dokumentet e fëmijëve. Ai bëri be, se nuk i prek fëmijët. Më pas nuk na i ka nxjerrë as mua as vajzës fëmijët. I thash Aleks; mi nxirr fëmijët ti shoh.
I thash mi sill fëmijët. Fëmijët i kam mbajtur fëmijët dy vite vetë. Vajza erdhi natën në 2 të natës, në 3 erdhi në Lezhë. Ajo kishte frikë se ça do i kishte bërë diçka fëmijëve. Shkuam me taksi në Durrës. Urdhri i mbrojtjes ka qenë në Lezhë. Vjehrri i saj ka faj se gati gjysmën e gjerave zere se i ka bërë ai. Mos e gëzoftë jetën e vetë.
Ai ishte i alkoolizuar dhe e dhunonte Bardhën. Kanë 11 vite që janë martuar, me shkuesi. Do ndahet nga ai, si t’i besojë atij?! Kurrë! Kishin dy javë që kishin ikur në Durrës me shpresë se mos ecnin. Aleksi nuk bënte asnjë punë, nuk dëgjonte.Ai i prishi punët në Lezhë.
Në Itali nuk di që të ketë qenë i dënuar për vjedhje, por për dhunë. Fëmijët kanë ardhur dy psikologë dhe i kanë marrë. Kur kujtohen kanë trauma. Fëmijët i mbajti me forcë brenda ai në dhomë kur i erdhi policia te dera. Veç Zoti i shpëtoi fëmijët, e falënderoi. Se si shpëtuan ata kokën përmes plumbave”.