Gazmend Haxhia u ndalua mesditën e 8 korrikut nga policia sapo zbriti nga avioni
Gjykata e Posaçme Kundër Krimit të Organizuar dhe Korrupsionit ka zbutur masën e sigurisë për biznesmenin Gazmend Haxhia, duke vendosur për të ‘detyrim paraqitje’.
Ai akuzohet se është i përfshirë në abuzimet me fondet e SASPAK së bashku me ish-ministrin e Shëndetësisë Ilir Beqaj dhe disa persona te tjerë.
Gazmend Haxhia u ndalua mesditën e 8 korrikut nga policia sapo zbriti nga avioni në aeroportin e Rinasit. Avokati i tij Henrik Ligori tha se Haxhia u vetëdorëzua dhe njoftoi prokuroren e çështjes se do ndërpriste vizitën në Kinë për tu përballur me drejtësinë.
Prokuroria e Posaçme dyshon se Beqaj si drejtues i SASPAC, ka abuzuar me të paktën 8 procedura prokurimi nga agjencia për menaxhimin e fondeve të BE, duke fryrë shifrat në qindra mijëra euro drejt kompanive të ndryshme për shërbime të pakryera me përfitues vetë ish-ministrin.