Viktor Orban kryeministër i Hungarisë, nga vizita në Tiranë bashkë me kryeministrin Edi Rama, u angazhuan në çuarjen përpara të bashkëpunimit ekonomik.
Prej shumë vitesh, disa biznese të rëndësishme hungareze në sektorin bankar dhe atë të telekomunikacionit, janë prezentë në vendin tonë. Homologun Hungarez Edi Rama e quajti një mik të palëkundur të Shqipërisë dhe Hungarinë si një vend që i dha Shqipërisë një princeshë.
“Jemi tërësisht të kënaqshëm për cilësinë e lartë që kanë sjellur për respektin dhe nevojave të vendit. Duam më shumë kompani hungareze për energjinë dhe turizmin”, tha Rama.
“Mes nesh ka një lidhje shumë të thellë e cila ka rrënjët në histori por edhe vuajtjet e përbashkëta pasi edhe ne kemi patur një sistem komunist. Kapaciteti ekonomik konkurrent i Europës është në rënie. Vendet e Evropës lindore kanë sjellë rritje ekonomike në Europë. Rezervat e rritjes ekonomike janë në Ballkan. Duhet të bashkohemi të gjithë bashkë si në pjesën e ekonomike dhe atë të sigurisë. Është e turpshme sa avash po ecën zgjerimi si rasti Shqipërisë që priti 13 vite. Hungaria mbështet integrimin e Shqipërisë. Na bëhet qejfi për vlerësimet për bizneset hungareze në vendin tuaj”, tha kryeministri Orban.
“Në të ardhmen do të kemi investitorë të tjerë hungarez. Jemi të gëzuar të ndajmë me ju përvojën e strategjisë tonë për turizmin. Mendoj se turizmi sektor kyç në bashkëpunimin mes dy vendeve. Ne kemi përgëzuar Ballkanin e Hapur”, shtoi ai.