Janë publikuar pamjet e ngjarjes që ndodhi mbrëmjen e kaluar në Durrës, ku Ilir Buçeza, 33 vjeç, plagosi me armë zjarri djalin e xhaxhait të tij Eduart Buçeza, 24 vjeç.
Në video shihet se si 33-vjeçari futet nga porta e banesës dhe pasi ka bërë disa hapa para është përballur me kushëririn e tij, i cili është afruar i qetë, duke mos pasur dijeni për armën.
Pasi janë afruar 33-vjeçari ka drejtuar armën drejt 24-vjeçarit dhe e ka qëlluar tre herë me plumb, njëri prej të cilëve i ka prekur këmbën. Ky i fundit ndodhet në spital nën kujdesin e mjekëve, ndërkohë autori i ngjarjes Ilir Buçeza vijon të jetë në kërkim. Sipas policisë, konflikti ka ndodhur për motive të dobëta.