Një 19-vjeçar shqiptar është dënuar me 20 muaj burg të hënën në gjykatën e Leeds Crown për prodhimin e kanabisit.
Mësohet se i riu Mariglen Luka, kishte vetëm pak ditë që kishte mbërritur në Brtianinë e Madhe ilegalisht dhe kishte nisur të punonte në shtëpinë e barit, ku kujdesej për fidanët e kanabisit.
Por pas një operacioni policor, ai u arrestua. Sipas mediave, teksa pa që policia britanike e kishte pikasur, i riu u përpoq të ikte nga dera e pasme por nuk ia doli duke përfunduar në pranga.
Mariglen Luka tha se ai kishte një borxh prej 16,000 paund që duhej t’i paguante për transportin në vend dhe se ishte dërguar direkt në pronë nga tregtarët e drogës kur mbërriti.
Ai tha se ishte “në frikë” nga ata të cilëve u kishte borxh. Megjithatë, u argumentua se Mariglen kishte një “rol të rëndësishëm” pasi ai “nuk i nënshtrohej presionit” dhe kishte çelësin e tij të shtëpisë, duke e lejuar atë të largohej në çdo kohë.