Kandidati i Partisë Socialiste, Vangjel Tavo, është kryetari i ri i Bashkisë së Himarës. Vangjel Tavo ka siguruar fitoren me 1477 vota më shumë se rivali i tij në garë, Petro Gjikuria.
Sipas rezultatit zyrtar të Komisionit Qendror të Zgjedhjeve, kryeson Vangjel Tavo me 5022 vota. Ndërkohë që Petro Gjikuria ka marrë 3545 vota.
Deri në momentet e fundit ku ka mbaruar edhe numërimi, Tavo ka qenë i shoqëruar nga Blendi Klosi, ndërsa Gjikuria i cili pasi pa rezultatin se po humbiste rreth orës 4 të mëngjesit u largua dhe nuk qëndroi deri në fund për të pritur verdiktin që i dha fitoren rivalit të tij socialist.
Tavo fitoi dhe bastin politik ku ishte shprehur se do të fitonte me 1000 vota plus duke sfiduar rivalin e tij të opozitës.