Një ngjarje e rëndë ka ndodhur ditën e sotme në Athinë.
Bëhet me dije nga mediat e huaja se një person rreth moshës 70 vjeç ka hyrë në kompaninë ku punonte dhe ka hapur zjarr ndaj punonjësve të tjerë.
Për pasojë kanë mbetur të vdekur 3 persona, teksa pasi është njoftuar se në godinë ka ardhur policia ai menjëherë është vetëvrarë.
Njoftohet se autori hyri në kompani pak pas orës 10:00 sipas orës lokale dhe hapi zjarr ndaj punonjësve.
Personi që shkaktoi masakrën është një ish punonjës i kompanisë i cili është pushuar para pak kohësh nga detyra e tij në të njëjtën kompani.
Autori qëndroi i armatosur në katin e dytë të godinës që sulmoi, ndërsa zona u rrethua nga forca të shumta policore.