Një aksident tragjik ka ndodhur në Itali, ku një shqiptar 25-vjecar ka humbur jetën.
Mësohet se ngjarja ka ndodhur në autostradën A22, në zonën midis komunës Veroneze të Nogarole Rocca dhe Mantovës në veri, ku është aksidentuar një kamion i drejtuar nga shqiptari.
Sipas mediave italiane, kamioni që drejtohej nga shqiptari u përplas me tjetër kamion më të madh, që kishte ndaluar më herët në autostradë. I tradhtuar nga shiu dhe dukshmëria e dobët, viktima nuk ka vërejtur mjetet e ndalura në kolonë dhe ka goditur makinën e fundit të rreshtit.
Aksi rrugor mbeti i mbyllur për trafikun deri rreth mesditës, kur përfunduan operacionet e shpëtimit dhe sigurisë për automjetet.