Të shtëna me armë zjarri janë regjistruar mbrëmjen e sotme në Tiranë.
Nga informacionet paraprake bëhet me dije se një plagosje me armë ka ndodhur mbrëmjen e kësaj të enjte te kryqëzimi i Bathores në Kamëz.
Mësohet se dy persona kanë qëlluar me armë ndaj 46-vjeçarit Agim Hida. Ky i fundit është dërguar menjëhërë në spital. Sakaq, raportohet se është qëlluar në distancë të afërt dhe ka marrë plagë në këmbë.
Ndërkohë nuk ka ende asnjë informacion për autorët, teksa policia ndodhet në vendin e ngjarjes dhe po heton për zbardhjen e krimit.
