Në dhjetëra raste, personazhe të botës së krimit të shpallur në kërkim, nuk janë gjetur nga Policia por janë gjetur nga kundërshtarët që i kanë eliminuar.
Dosja ndaj grupeve shkodrane nxjerr zbuluar lidhjet në nivele të larta të bandave me drejtues të ndryshëm policie. Në prej personave që sipas prokurorisë rezulton Behar Bajri, përmes burimeve në Polici kishte lokalizuar Ibrahim Licin.
“Pëllumbi i shprehet që sot do takoj këtë shokun e Policisë në Shkodër dhe t’i them për ndonjë info për Brahimin. Behari i shprehet se nëse e merr premtoji sa lekë do veç të thonë shtëpinë edhe sa lekë do veç hap gojën kudo që të hyj ta vras.”
“Njerëz në kërkim që eliminohen dhe nuk arritet të çohen para drejtësisë dhe më e keqja kur organet shtetwrore nuk punojnë për drejtësi, por kanë punuar për grupe kriminale”- u shpreh avokati, Redi Ramaj.
Bisedat implikojnë zyrtarë të ndryshëm që korruptohen edhe nga kundërshtarët e Bajrave. Nuk dihet nëse ka një hetim tjetër të bazuar në të dhënat e aplikacionit SKY për Lictë dhe njerëzit e tyre. Në dosjen Metamorfoza nuk ka thellim ndaj veprimtarive të tyre deri në këtë moment të hetimit.