Ky është Shefqet dhe Shahe Lika. Burri fshehu vetëvrasjen e së shoqes duke raportuar te familjarët se gruaja e tij ndërroi jetë për shkaqe natyrale.
56-vjeçari u shpreh se e kishte fshehur vetëvrasjen, por sepse kishte frikë se të afërmit e gruas nuk do e besonin. Madje shtoi se ata prej kohësh e kanë akuzuar për dhunën që ushtronte nga gruas dhe se familjarët e saj herë pas here e kishin paralajmëruar se do ta denonconin.
Situata i doli nga kontrolli 56-vjeçarit pasi familjarët e gruas tashmë të vetëvarur patën dyshime dhe kërkuan ekspertizë të trupit të pajetë. Pas ekspertizës rezultoi se 55-vjeçarja ishte vetëvarur.
Shefqet Lika u arrestua sot, e do përballet me ligjin pasi akuzohet për dy vepra penale, shkaktim të vetëvrasjes dhe veprime që pengojnë zbulimin e së vërtetës.
Si u zbulua vetëvrasja e Shahe Likës në Kamëz:
Vetëvrasja e Shahe Likës disa ditë më parë ka ngjallur reagime të shumta. Prej mbrëmjes së djeshme, e gjitha nisi pas një denoncimi që një fqinja e të ndjerës bëri në rrjetet sociale. Ajo i ka shkruar Vilma Dules duke i rrëfyer edhe detaje rrëqethëse nga ngjarja. Sipas saj, janë vëllezërit e Shahes, ata që kërkojnë hetimin e bashkëshortit të saj Shefqet Likës.
“Për fat të keq vrarë dhe një femër tjetër në Shqipëri. Burri e dhunonte prej shumë vitesh. Asnjë kanal nuk po e jep lajmin. E ndjera ishte komshie me prindërit e mi. Unë nuk jetoj në Shqipëri dhe nuk i di detajet. Potr më thanë që vëllezërit e saj gjatë varrimit kanë hapur kufomën dhe kanë parë shenjat në qafë dhe kanë lajmëruar Policinë. Po flisja me mamin dhe më thotë që kanë paguar morgun që të plotësojë letrat që është vetëvrarë. E tmerrshme!,”-denoncon e reja, por bazohet vetëm tek ato ç’ka ka dëgjuar në lagje.