Një shpërthim ka ndodhur pak pas mesnatës në një kantier ndërtimi në Tiranë.
Policia ka njoftuar se ngjarja ka ndodhur në rrugën “Reshit Çollaku”, teksa shpërthimi ka qenë i ngjashëm me lëndë plasëse ose lëndë piroteknike. Për fat të mirë nuk ka persona të lënduar dhe as dëme materiale.
“Më datë 01.08.2024, rreth orës 01:15, në rrugën ‘Reshit Çollaku’, në një kantier në ndërtim, është dëgjuar një shpërthim, i ngjashëm me lëndët plasëse ose lëndët piroteknike. Si pasojë nuk ka dëme materiale dhe as të lënduar”– thotë policia.
Grupi hetimor po vazhdon punën për sqarimin e mëtejshëm të rrethanave të ngjarjes.