Një 36-vjeçar ka rënë në prangat e policisë së Dibrës, pasi akuzohet për shpërndarje të lëndëve narkotike.
Bëhet me dije se në pranga ka rënë Yllson Dani 36 vjeç, i cili duke u kamufluar si shofer furgoni për transport të qytetarëve Tiranë-Klos-Tiranë, transportonte dhe lëndë narkotike.
Gjatë kontrollit të ushtruar në dyshemenë e sediljes së shoferit, shërbimet e policisë gjetën një kuti , ku brenda saj kishte 4 kallëpe me lëndë narkotike kanabis sativa, të përpunuar në formën e çokollatës, me peshë rreth 1 kilogramë, të cilat u sekuestruan në cilësinë e provës materiale.