Përveç kërkesave, kryeministri Edi Rama ka bërë dhe një paralajmërim për të tijët, teksa ka folur nga Kongresi i Partisë socialsite.
Duke iu referuar figurave të PS, që kanë telashe me drejtësinë, Rama tha se kush harron që karrigia e pushtetit që ka ëhstë e popullit, meriton çdo ndëshkim. Më tej, kryeministri përsëriti shprehjen se “përgjegjësia është personale” dhe se nuk do kenë mbrojtje nga PS.
“Karrigia e pushtetit është një kafshë e egër që po e le të të hyjë në trup, të mbush xhepin por të merr mendjen, ndaj kush e harron se ajo karrige është e popullit dhe e shtetit, meriton çdo ndëshkim që parashikon ligji.
Në këtë pikë nuk do zgjatem. Për ata që harrojnë se për çfarë e kanë këtë karrige dhe kur i kap rrjeta e drejtësisë presin ndihmë nga partia apo bëjnë viktimën e konspiracioneve, është detyrë dhe përgjegjësi e tyre për ta mbajtur”, tha Rama.