Dy persona janë arrestuar nga policia ditën e sotme në Tropojë, pasi akuzohen për dhunë në familje.
Ngjarja ka ndodhur në fshatin Cerrnicë pas një sherri brenda familjes. Mësohet se në pranga ka rënë 45-vjeçari L.M për dhunë ndaj bashkëshortes së tij 39-vjeçare. Kjo e fundit është marrë në mbrojtje të menjëhershme nga policia.
Ndërsa pas ngjarjes është arrestuar edhe 36 vjeçari E.M, vëllai i të dhunuarës pasi është konfliktuar fizikisht me 45-vjeçarin L.M.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.