![](https://dk-news.com/wp-content/uploads/2024/02/1708502655_finalprojekt_sd-1024x576.jpg)
Drejtori i Kadastrës së Lezhës, Gentian Malotaj dhe përgjegjësi i legalizimeve Artur Shabaku janë pezulluar nga detyra ditën e sotme.
Mësohet se Malotaj dhe Shabaku janë vënë në hetim nga prokuroria e Lezhës për veprën penale “Shpërdorim Detyre”, pasi akuzohen se kanë legalizuar një pallat në zonën e Kunës në Shëngjin, në kundërshtim me ligjin.
Mësohet se bëhet fjalë për një pallat që kishte shkelur lejen e ndërtimit, pasi kishte tejkaluar afatet e ndërtimit. Në kuadër të këtij hetimi, prokuroria ka kërkuar pezullimin e tyre nga detyra, kërkese që është miratuar nga Gjykata e Lezhës.
Pak ditë me parë u pezulluan dhe 11 punonjës me akuzën për moszbatimin e një vendimi gjykate për mos kthimin ne shtet të një sipërfaqe toke të tjetërsuar në zonën e Ranës e së Hedhur në Shëngjin.