Prokuroria e Beratit, pasi ka mbyllur hetimet për 46-vjeçarin Belul Kokollari, që akuzohet për përdhunimin e nipit 7-vjeç, ka kërkuar sot përpara trupit gjykues 15 vite burgim për të.
Gjatë seancës së sotme që u zhvillua rreth orës 15:45, Kokollari mbërriti nën masa të rrepta sigurie, ndërkohë që për shkak të sensivitetit të çështjes mediat nuk u lejuan të mernin pjesë në seancë.
Pasi prokurori Elidon Hysenaj kërkoi 15-vite burg për Belul Kokollarin, trupi gjykues e shtyu dhënien e vendimit penal për në 11 Korrik.
46-vjeçari Belul Kokollari ka lindur në Kosovë, në fshatin “Malësi e Madhe” në Prizren. Kokollari akuzohet se ka përdhunuar nipin e tij 8-vjeç, me iniciale A. S në 4 Nëntor 2021 në banesën e tij, ku nipi kishte shkuar me pushime së bashku me nënën.