Konspiracionisti Arianit Sllamniku ishte i ftuar sot në “Shqipëria Live”, ku foli në lidhje me një ngjarje të rrethuar nga shumë mister, vdekja e presidentit iranian, pas rrëzimit të helikopterit me të cilin ai udhëtonte.
Sipas Sllamnikut, rrëzimi i helikopterit nuk ka qenë aksidental por i qëllimshëm, për të nisur një konflikt botëror.
“Në helikopterin e presidentit iranian është ndërhyrë tek gps, duke ndryshuar intenerarin në mënyrë që të përplasej. Është bllokuar komplet teknologjia e helikopterit.
Kjo ka lidhje me nisjen e një konflikti më të gjerë. Izraeli e ka përdorur avantazhi në Lindjen e Mesme për të shtrirë nënshtrimin e shteteve islamike, me qëllim të shpalljes së meskuit hebre. Ky person që do vendoset në krye do të jetë ai që do drejtojë botën në fund.”- tha Sllamniku.