Ai është konfliktuar dhe ka goditur me sende të forta vëllain e tij, ndërhyrja në kohë e Policisë parandalon përshkallëzimin e mëtejshëm të konfliktit.
Policia kapi dhe prangos 61-vjeçarin.
Shërbimet e Komisariatit të Matit, pasi kanë marrë njoftimin se në fshatin Midhë dy vëllezër janë konfliktuar për arsye pronësie, kanë shkuar menjëherë në adresën e marrë, duke parandaluar përshkallëzimin e mëtejshëm të konfliktit.
Për pasojë, shërbimet e Policisë kapën dhe arrestuan në flagrancë shtetasin SS, 61 vjeç, banues në fshatin Midhë, Mat.
Ky shtetas për arsye pronësie ishte konfliktuar dhe kishte goditur me sende të forta të vëllanë, duke i shkaktuar dëmtime në fytyrë.
Materialet proceduriale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.