![](https://dk-news.com/wp-content/uploads/2024/02/29fcd0da-f638-472b-bf8d-5017956973fa-960x720-1.jpg)
Është miratuar me 77 vota pro marrëveshja e emigrantëve me Italinë. Seanca plenare e kësaj të enjteje u mbyll me një rekord prej 7 minutash, mes zhurmuesve dhe kundërshtimit të deputetëve të opozitës.
Që në nisje Kuvendi hoqi nga rendi i ditës Amnistinë Penale, ndërsa u miratua me 77 vota marrëveshja e emigrantëve me Italinë.
Në marrëveshjen me Italinë votuan pro edhe tre deputetë të PDIU.
Po ashtu u miratua edhe projektligji për zonat e mbrojtura ditën e sotme. 74 votat e deputetëve socialistë mjaftuan për t’i dhënë dritën jeshile ndryshimit të ligjit për zonat e mbrojtura.
Ndërkohë që në Kuvend, ky projektligj u kundërshtua me forcë nga deputetët e Opozitës. Jashtë Kuvendit po mbahet një protestë nga qytetarët dhe nga aktivistë e ambientalistë të shumë, të cilët kundërshtojnë ndryshimet që po bëhen për zonat e mbrojtura.