Zbardhen emrat e 6 të arrestuarve gjatë operacionit anti-drogë të zhvilluar një ditë më parë nga policia shqiptare në bashkëpunim me Guardia di Finanza.
Në kuadër të megaoperacionit policor të koduar “Flakë në det” u arrestuan shtetasit:
Arlind Ismailukaj, 47 vjeç, banues në Tiranë;
Armando Mema, 37 vjeç, banues në Tiranë;
Nerim Çela, 40 vjeç, banues në Fushë Kuqe, Laç;
Besnik Brokeri, 51 vjeç, banues në Vlorë;
Kyrylo Ponomarenko, 39 vjeç, banues në Ukrainë;
Kostiantyn Biellon, 44 vjeç, banues në Ukrainë.
Mes të arrestuarve është edhe ish polici Ismailukaj.
Më herët në lidhje me këtë operacion doli në një deklaratë për mediat edhe zv.drejtori i policisë së shtetit Sokol Bizhga, i cili tha se u bllokuan 4 gomone ndërsa trafikantët dogjen velierën në momentin që kanë parë forcat policore. Ai theksoi po ashtu se te veliera e djegur janë gjetur 28 kg kanabis dhe se grupi shqiptar do shkëmbente kanabisin me drogë tjetër me 2 ukrainasit.
Veliera ishte me flamur ukrainas nisur nga Mali i Zi. Droga do shkëmbehej në Adriatik, 18 milje nga laguna e Patokut.