Nënkryetari i PD, Oerd Bylykbashi ka dalë në një konferencë për mediat, ku ka shpjeguar disa aspekte të marrëveshjes PS-PD, mbi ndryshimet në Kodin Zgjedhor.
Pasi u vendos mos-hapja e listave zgjedhore, Bylykbashi u justifikua duke thënë se ky vendim u morr për të garantuar kuotën gjinore, e po ashtu për të bërë të mundur futjen e akademikëve në Kuvend.
“Një e treta është vendosur për të garantuar kuotën gjinore. Në këtë vend mund të futen edhe njerëz nga bota akademike, ata mbrohen dhe mundësohen që të jenë në Parlament. Kjo kuotë është 25%. Lista e një partie do të jetë në Tiranë me 36 mandate, 12 mandate në listën e mbyllur dhe 36 mandate në listën e hapur. Do të jenë 48 kandidatë. Jemi më shumë se ⅔ me votim parapëlqyes dhe do të jetë pa asnjë herës. Kush merr më shumë vota, merr mandatin e deputetit.”– tha Bylykbashi.