Një sherr mes një shqiptari dhe marokeni ka ndodhur në një lokal në Villanova di Colli al Metauro, Itali. Debati degradoi në përdorimin e thikave dhe plagosjen e njërit prej personave të përfshirë.
Një shqiptar 20-vjeçar ka goditur dy herë me thikë një maroken në gjoks dhe në bark dhe më pas është larguar nga vendi i ngjarjes, por është arrestuar disa orë më pas.
Marokeni u gjet nga një banakiere e cila njoftoi ambulancën dhe policinë. I plagosuri u dërgua në spital për ndihmë mjekësore, teksa iu nënshtrua një operacioni e më pas u transferua në repartin e terapisë intensive, ku është jashtë rrezikut për jetën. Përveç dëshmive, janë pamjet e kamerave të sigurisë në lokal që kanë regjistruar momentin e ngjarjes.