Kryeministri Edi Rama bëri batutë në Kurbin me rastin e përurimit të banesave të reja për 500 familje, të cila iu dëmtuan shtëpitë nga tërmeti i 26 nëntorit 2019.
Përpara banorëve, ai tha se kryetari i bashkisë së Tiranës, Erion Veliaj nuk do ta shihte as në ëndërr godinën e bashkisë së Kurbinit, e cila është rindërtuar së fundmi.
“Shikoni godinën e bashkisë, atë bashki nuk e sheh dot në ëndërr as Lali Eri. Do të jetë bashkia më e bukur. Kur bëhet diçka e re, është mundësia që bëhet më e mirë se çfarë është trashëguar nga e kaluara. Bashkia më e bukur dhe funksionale ajo e Kurbinit”, deklaroi Rama.