Alfred Dajci dhe Edmond Shkoza janë përjashtuar ditën e sotme nga primaret e Partisë Demokratike, për zgjedhjet e 14 majit.
Përjashtimi i dy anëtarëve ka ardhur pas ngjarjes së ndodhur në Kurbin, ku 53-vjeçari Van Rica, anëtari i degës së Partisë Demokratike qëlloi me armë gjatë mbledhjes së degës, pas një konflikti me nën-kryetarin e kësaj dege, Kastriot Markun.
Më 28 nëntor, në debat e sipër, Van Rica ka qëlluar me armë zjarri në korridor dhe është larguar menjëherë nga ambientet e degës së subjektit politik. Konflikti mes tyre ka nisur pasi ata mbështesnin kandidat të ndryshëm për procesin e “Primareve” që është duke zhvilluar PD.