Mediat kanë publikuar ditën e sotme foton e Ervis Kurtit, mikut dhe bashkëpunëtorit të Habib Rexhës, i cili ekzekutoi Arjan Gosën pak ditë më parë në Kavajë.
Kujtojmë se mbrëmjen e djeshme u bë i mundur shoqërimi i tij, e më pas arrestimi për veprën “Përkrahja e autorit të krimit”.
Teksa po dje, Rexha u vetëdorëzua në Policinë e Kavajës, ndërsa rol kryesor në këtë proces kishte familja e tij.
“Isha pranë një kinkaleria bashkë me një shokun tim. Pashë që Arjani ka qenë ulur në lokal. Pashë atë dhe ika 300 metra larg. Lashë makinën atje dhe u ktheva në këmbe. Armën e mbaja me vete. Shoku nuk ka qene në dijeni. E pashë rastësisht në kafe. Veprova nga gjak nxehtësia.Pasi bëra vrasjen u largova bashkë me shokun nga Durrësi në drejtim te Kukësit”, ka deklaruar ai para autoriteteve të policisë.
Hetimet e policisë kanë ngritur dyshime se ai është ndihmuar nga Ervis Kurti.