Florjan Muka, është 18-vjeçari i cili vrau me thikë pas një konflikti për motive të dobëta 19-vjeçarin Grei Bihuci dhe la të plagosur një tjetër, i cili ndërhyri mes tyre për të shuar sherrin.
Policia në një njoftim zyrtar pas ngjarjes së rëndë, bën me dije se Florjan Muka plagosi me mjet prerës (thikë), shtetasin me iniciale Grei Bihuci 19 vjeç, i cili si pasojë e plagëve të marra ka humbur jetën në spital.
Po ashtu, në spital për ndihmë mjekësore është paraqitur edhe 20-vjeçari me iniciale O. S., i cili në momentin që ka ndërhyrë për të parandaluar sherrin me të rinjve është dëmtuar dhe ndodhet jashtë rrezikut për jetën.
Muka ndërkohë është vënë në pranga dhe është shoqëruar në Polici, ku po kryhen veprimet e mëtejshme procedurale.