Është gjetur i pajetë trupi i gazetares Candida Cristal Vazquez, e cila ishte zhdukur që në korrik.
Reuters raporton se trupi i gazetares është gjetur në fillim të kësaj jave në Mazatlan, një qytet turistik meksikan në bregun e Paqësorit.
Candida Cristal Vazquez, gazetare meksikane radios, por që punonte edhe për policinë lokale, u raportua e zhdukur në fund të korrikut.
Në një deklaratë nga prokurori i përgjithshëm i shtetit thuhet se anëtarët e familjes e kanë identifikuar trupin si të Vazquez.
Policia e gjeti trupin e gazetares në një kanal në Mazatlan.
Viti 2022 është më tragjiku për median meksikane, pasi deri më tani janë vrarë 18 gazetarë.
Vrasja e gazetarëve vazhdon të jetë një problem i madh, teksa me shumë punonjës të mediave në mbarë botën raportohen se rrezikojnë dhe humbasin jetën çdo vit.