Ibrahim Lici i shpallur në kërkim ndërkombëtar për vrasjen e Endri Mustafës, ka përfunduar në prangat e policisë turke.
Kjo e fundit ka rënë në gjurmët e tij duke ndjekur një person të besuar të tij që udhëtoi nga Shqipëria për ta takuar.
Kujtojmë se Ibrahim Lici ishte në kërkim ndërkombëtar nga autoritetet shqiptare, prej muajit maj të vitit të 2021 pas ekzekutimit me armë zjarri të Endri Mustafës.
Ai u largua drejt shtetit turk që prej vitit 2021 dhe fshihej atje prej asaj kohe.
Lici akuzohet si i përfshirë në të paktën tri vrasje në qytetin e Shkodrës, përfshirë edhe vëllezërit Bilali, ngjarje e ndodhur më 30 maj të vitit 2019.
Në atë kohë, vrasja u cilësua se erdhi për shkak të përplasjeve mes grupeve kriminale në qytetin verior. Ibrahim Lici është djali i Mustafa Licit, ish-anëtar i Këshillit Bashkiak të Shkodrës.