Policia ka dhënë detaje në lidhje me ngjarjen e ndodhur pak më parë në Tiranë, ku 45-vjeçari Lorenc Kosta u plagos me armë.
Policia njofton se ngjarja ndodhi në afërsi të një marketi në rreth-rrotullimin e Komunës së Parisit, ndërsa konfirmon se autori është Erion Goxhara, punonjës policie. Ky i fundit është konflitkuar me Kostën, pasi 45-vjeçari raportohet se i ka ngacmuar të dashurën
Nuk dihet nëse ky i fundit ka përdorur armën e shërbimit për plagosjen, por pas ngjarjes ai është arratisur. Policia ka nisur punën për lokalizimin dhe kapjen e tij.
Njoftimi i policisë:
Tiranë/Informacion paraprak
Më datë 19.08.2024, rreth orës 14:07, në afërsi të një marketi te rreth-rrotullimi i Komunës së Parisit, dyshohet se për motive të dobëta, shtetasi E. G., (punonjës Policie) ka plagosur me armë zjarri shtetasin L. K., 45 vjeç, i cili ndodhet në spital, në kujdesin e mjekëve.
Grupi hetimor ndodhet në vendngjarje dhe nën drejtimin e Prokurorisë po punon për kapjen e autorit të dyshuar dhe sqarimin e rrethanave të ngjarjes.