Pak ditë pas ngjajres së rëndë e cila u regjistrua në Greqi ku 47-vjeçarja shqiptare, Fatbardha Pali i mori jetën vetes ka dalë në një deklaratë vjehrri i saj, Kadri Pali.
Në një lidhje direkte me emisionin “Me zemër të hapur”, vjehrri i Bardha Palit u shpreh se i biri dhe 47-vjeçarja ishin ndarë prej disa muajsh. Ai më tej shtoi se nusja e kushte kapur gabim djalin e tij dhe prandaj ishin ndarë.
“Unë e mora vesh lajmin nëpërmjet telefonit që u përhap në FB. Nuk di ta shpjegoj as unë, ajo ka deklaruar shumë gjëra, por nuk janë të vërteta. E kanë brenda për brenda me burrin. Ajo kishte djalin ‘I thoshte ç’ke o ma, më ke mua’. Ishin ndarë prej 6 muajsh, i kishte kapur disa gabime. Herën e fundit kemi folur para 2 muajsh, këtë gjë e mbajti të mbyllur. Ai e ka kapur në gabim, ndaj djali vendosi të ndahej. Konfirmoj që ka pasur lidhje tjetër për inatin e burrit.
Njëra është nusja e çunit dhe tjetra është nusja e nipit (dy gratë që përmend Bardha në mesazh) nuk ka asnjë të vërtetë në ato që ka thënë, nga inati. Janë vetëm çështje inati. Djali im i mbajti të mbyllura këto gjëra. Iliri komunikon me të birin, ai ka thënë që ‘të gjitha problemet nuk i ka babi, por mami’.
Bardha jetonte me djalin dhe nusen e tij, ndërsa Iliri jetonte vetëm në qytet. Nuk e kam ditur që ishin ndarë, tani e kam mësuar. Para dy muajsh kur erdhi tek unë në fshat, nuk shfaqi asnjë shenjë. Ajo punë që ka bërë ajo është e turpshme. Ka futur shumë njerëz, për çështje inati, e konfirmon edhe djali i saj. Dilte pinte andej duhan dhe s’pyeste”, tha ai, për BalkanWeb.
Bardha u vetëvra me litar pas tradhëtisë nga bashkëshorti. Para se të kryente aktin e vetëvrasjes, Fatbardha Pali i ka treguar arsyet që sollën tragjedinë me një mesazh në rrjetet sociale. Përmes postimeve në rrjet, ajo ka akuzuar bashkëshkortin për tradhëti me dy të afërmet e saj dhe në letrën publike ajo u kërkon falje familjarëve të saj Lona dhe Mira, të cilët pretendon se i ka mërzitur, por se ka kuptuar se të keqen e ka patur në shtëpi.