![](https://dk-news.com/wp-content/uploads/2024/02/640-0-65db95ea80827.png)
Një 26-vjeçar ka humbur jetën tragjikisht në Greqi pas një aksidenti. Mësohet se Serxho Sula po udhëtonte me motor në aksin Seksklou-Volos kur ka humbur kontrollin. Aksidenti u regjistrua pak para orës 18:00, kur Sula po kthehej nga Rizomylos, ku kishte shkuar për të ndjekur ndeshjen e futbollit mes Asteras dhe Thereas Agrias.
Motoçikleta me të cilën po udhëtonte me gjasë ka rrëshqitur në sipërfaqen e rrugës dhe ka dalë nga rruga, ku si pasojë është përplasur në parmakë dhe ka shkaktuar vdekjen tragjike të të riut shqiptar. Një ambulancë e EKAV mbërriti në vendngjarje, por ishte tepër vonë. Sektori i Qarkullimit në Volos po kryen hetimet paraprake për shkaqet e aksidentit.