Burgjet e vendit hapën dyert dy ditë më parë (24 prill 2024) për të gjithë ata që përfitojnë nga Ligji për Amnistinë Penale.
780 të dënuar u liruan nga burgu ndërsa për 2662 persona të dënuar me shërbim prove u mbaroi dënimi.
Të shumtë ishin familjarët që shkuan për të pritur të dënuarit që pas shumë kohësh fituan lirinë
Ministri i Drejtësisë, Ulsi Manja ishte në burgun e Rrogozhinës, aty ku ishte edhe numri më i madh i të dënuarve që u liruan. Manja kishte një mesazh për të gjithë ata që lanë qelinë, duke u kërkuar që t’i kthehen punës së ndershme dhe të mos e kthejnë më kokën pas.
Në Shkodër, i pari që la qelitë e burgut të Reçit ishte ish-kryebashkiaku i Lezhës, Fran Frrokaj, i dënuar me 3 vite burg për tjetërsim pronash në Shëngjin.
Në Lezhë, nga burgu i Shën Kollit u largua sot Dritan Gjuzi i dënuar me 17 vite për trafik narkotikësh. E motra ka ardhur nga Gjermania për të pritur të vëllanë invalid. Në burgun e Shënkollit, 6 u liruan, dhe 3 të tjerëve u ulet dënimi.
Në Korçë ndër 55 të burgosurit që lënë qelitë në burgun e Drenovës është edhe një i dënuar i cili më në fund arriti të merrte në krah të birin jashtë hekurave.
Nga burgu i Fierit, 119 të dënuar lanë qelitë, dhe 311 të tjerëve u ulet dënimit. Klement Omeri, i dënuar për trafik lëndësh narkotike, shprehu jo pak emocione që më në fund është i lirë.
Por ky benefit solli edhe disa momente pikante pas daljes të disa dënuarve:
Skifteri pogradecar që nuk e harroi zakonin e tij
Isufi ka hyrë në mjetin e parkuar dhe është larguar me shpejtësi në drejtim të Pogradecit, ku policisë nuk i ka ngelur gjë tjetër ku pas denoncimit të pronarit të mjetit të bëjë këqyrjen e kamerave të sigurisë në interenarin që është menduar se ka kaluar i riu. Nga këqyrja e kamerave është dalluar mjeti tip Ford Fiessta që kalonte në aksin rrugor Korçë – Pogradec deri në fshatin Luamalas më pas grabitësi i mjetit ka humbur çdo gjurmë edhe për policine që tashmë është në kërkim të tij.
Ardian Isufi, pogradecari që ditën e djeshme la qelitë e burgut të Drenovës kërkohet nga policia për vjedhje. Ai me sa duket nuk i shpëtoi zakonit të tij.
I riu pogradecar ka qenë i dënuar për vjedhje ndërkohë ditën e djeshme përfitoi nga amnistia e pas pak minutash pasi hyri në qytetin e Korçës ka realizuar vjedhjen e radhës në lagjen 18 të këtij qyteti.
Këtë herë “gjahu” i tij ka qenë një mjet Ford Fiesta i parkuar (i ndezur) në afërsi të shkollës “Raqi Qirinxhi” pasi pronari i mjetit ishte pranë një njësie shërbimi.
Isufi ka hyrë në mjetin e parkuar dhe është larguar me shpejtësi në drejtim të Pogradecit, ku policisë nuk i ka ngelur gjë tjetër ku pas denoncimit të pronarit të mjetit të bëjë këqyrjen e kamerave të sigurisë në interenarin që është menduar se ka kaluar i riu. Nga këqyrja e kamerave është dalluar mjeti tip Ford Fiessta që kalonte në aksin rrugor Korçë – Pogradec deri në fshatin Luamalas më pas grabitësi i mjetit ka humbur çdo gjurmë edhe për policine që tashmë është në kërkim të tij.
“Gruaja e kishte hak drurin”
Falë amnistisë penale, rreth 800 të burgosur kanë fituar ditën e djeshme lirinë teksa mes tyre ka qenë dhe Berti.
Ai ka qenë i dënuar për dhunë në familje teksa dënimin e tij e ka vuajtur në burgun e Drenovës në Korçë.
Ai u shpreh se tani do të rifillojë jetën nga fillimi, mirëpo duket se nuk është penduar aspak për dhunën që ka ushtruar ndaj gruas, pasi për gazetarët ka thënë “nuk jam penduar se e kishte hak drurin gruaja”.
“Nuk kisha shpresë se më thoshin nuk të kap amnistia. Pastaj më thanë që të kap dhe isha shumë i lumtur. Jetë e re tani, por shumë e vështirë. Nuk jam penduar se e kishte hak drurin gruaja.
Atë që bëra e bëra, por nuk do e përsërisja më. Jeta në burg është shumë e vështirë. Unë nuk pata vështirësi se kam punuar në guzhinë. Goca më thoshte mos u mërzit na ke ne“.
Emocione dhe lot
Në mesin e përfituesve nga amnistia ka qenë edhe një vajzë.
Ajo sapo është liruar ka takuar babanë e saj. Takimi mes vajzës dhe babait është i ndjerë, teksa nuk mungojnë as lotët.
Edhe pse i është kërkuar një prononcim për mediat, vajza nuk preferoi të flasë.
25 vite në burg, përfitoi vetëm 2 ditë nga amnistia
Mes personave të liruar nga burgu i Elbasanit ka përfituar nga amnistia penale dhe një i dënuar me 25 vite burg. Ai ka thënë se akuzohet për një vrasje dhe ka kryer të gjithë dënimin, pasi i mbaronte për dy ditë.
“Unë kisha 25 vite brenda, më akuzojnë për vrasje, por nuk ka bërë gjë. Më kishin mbetur dhe dy ditë nga dënimi.
Kam qene 30 vjeç kur jam futur në burg. Do mbaj mend nga burgu që më është nxirë jeta. Ishallah dalin të gjithë nga burgu”, u shpreh i dënuari në dalje të burgut.