Kryeministri Rama ka biseduar ditën e sotme me drejtuesit politikë të qarqeve të tjerë rreth 60 minuta ku në fokus ishte edhe turi i tij për të takuar diasporën shqiptare,në Greqi, Itali, Londër.
Në 12 maj është menduar të jetë takimi i kryeministrit Rama me diasporën shqiptare në Greqi. Gazeta “Kathimerini”, e cila është një nga gazetat më të afërta me qeverinë ka bërë me dije se qeveria greke i ka kërkuar Ramës anullimin e takimit të datës 12 maj.
Gazetari i Top Channel, Artur Bibe, ka raportuar në lidhje më ngjarjen per emisionin Breaking ne Top News duke thënë se e gjitha kjo është një keqkuptim të cilin e ka sqaruar edhe vetë ministri i jashtëm i Greqisë.
Arsyeja e vërtetë ështe se teatri ku Rama do të realizonte takimin ka patur një keqkuptim me datat dhe kjo kishte shkaktuar një mbivendosje, prandaj është kërkuar një anullim date për t’a realizuar takimin në një datë tjetër ose ambient tjetër.
Gjithashtu gazetari tha se mediat e djathta kanë shfrytëzuar rastin për të anatemuar vizitën e kryeministrit Rama dhe kryetari i bashkisë nuk ka pranuar të kryhej takimi.
Gazetari ka rrëfyer që Endri Fuga ka kryer një takim në emër të Ramës, me shefen e kabinetit të zyrës diplomatike të kryeministrit të vendit në Athinë, Aleksandra Papothopulo, ku ka shprehur kërkesën e palës shqiptare për të kryer një takim të kryeministrit me diasporën shqiptare që jeton jashtë vendi. Vetë diplomatja ka bërë me dije se shteti grek nuk ka asnjë problem madje do ti ndihmojë me organizimin, edhe pse dy homologët nuk do të mund të takoheshin për shkak se kryeministri i Greqisë do të kryente takime jashtë shtetit.
“Zoti Rama nuk ka dashur të kryejë një takim me homologun e tij që të mos shkaktojë keqkuptim, sepse një takim i tillë do të interpretohej në mënyra të ndryshme. Ekstremi i djathtë nuk dëshiron të ketë mardhënie të mira ndërsa ekstremi i majtë i mirëpret” tha gazetari.