Një 32-vjeçar i shpallur në kërkim është arrestuar pasditen e sotme në Kukës.
Mësohet se i riu akuzohet për veprat penale “Plagosja e rëndë me dashje” dhe “Kanosja për shkak të detyrës”, pasi më datë 16.05.2024, ka kanosur dhe goditur me grusht një mjek.
Nuk dihen ende detaje për shkakun e konfliktit të tij me mjekun 58-vjeçar, teksa hetimet për ngjarjen vijojnë.
Njoftimi i Policisë:
I shpallur në kërkim për veprat penale “Plagosja e rëndë me dashje” dhe “Kanosja për shkak të detyrës”, pasi më datë 16.05.2024, ka kanosur dhe goditur me grusht, për shkak të detyrës, mjekun D. R., 58 vjeç.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme.