Në fshatin Çukas të Lushnjës, polumbarët e Repartit Special Renea kanë gjetur trupin e pajetë të një 21-vjeçari, i cili dyshohet se është mbytur në një kanal me ujë.
I riu, M. C., nga fshati Barbullinjë, vuante nga epilepsia dhe dyshohet se është vetëmbytur. Familjarët kishin humbur kontaktet me të dhe kushëriri i tij, A. C., bëri kallëzim në Komisariatin e Lushnjës pasi nuk e kishte gjetur.
Pas marrjes së kallëzimit, u organizuan kërkime dhe trupin e pajetë të M. C. e gjetën polumbarët në mëngjesin e sotëm. Policia po heton për të zbardhur rrethanat e ngjarjes.