Drejtoria e Burgjeve ka pezulluar nga puna dy punonjës policie si dhe iu ka shkëputur linjën e internetit të penduarve të drejtësisë, Nuredin Dumanit dhe Amarildo Nikollit.
Bëhet me dije nga burimet për media se ky vendim u mor pasi Alda Nikolli denoncoi dhe pranoi se fliste 24 orë me të penduarin e drejtësisë, Nuredin Dumanin.
Në një intervistë për Top Channel, Alda Nikolli u shpreh se pas vendosjes së eksplozivit në derën e banesës së saj fshihet Nuredin Dumani me të cilin ajo kishte krijuar një raport dhe kishte folur për dy muaj.
Nga ana tjetër bëhet me dije se në burgun 313 ka ndodhur një përplasje mes dy të penduarve të drejtësisë Nuredin Dumani dhe Amarildo Nikolli.
Nuredin Dumani ka dhunuar Nikollin si dhe e ka gjobitur atë.