Kryeministri i Kosovës Albin Kurti, më 24 mars të këtij viti festoi ditëlindjen e 47-të. Stafi atë ditë e surprizoi duke i çuar në zyrë një tortë me mbishkrimin “Urime kryeministër”.
Por, Kurtit s’i ka munguar as dhurata nga deputetët e Lëvizjes Vetëvendosje. Mediat në Kosovë kanë siguruar një dokument të Kryeministrisë, për dhuratën që Kurti ka pranuar ditën e ditëlindjes.
Përmes kërkesës për qasje në dokumente publike figuron se Grupi Parlamentar i ka bërë dhuratë një stilolaps simbolik, “Lamy”. Zyrtarisht, kjo është e vetmja dhuratë që kryeministri i Kosovës ka marrë për ditëlindje.