Historia e dy shqiptarëve që rrezikojnë sot të dëbohen nga Mbretëria e Bashkuar, është historia e dhjetrave, në mos qindrave shqiptarëve atje, të cilët të detyruar nga kushtet e vështira ekonomike në Shqipëri, rrezikojnë jetën e tyre jashtë vendit. Dy shqiptarët Marjan Markaj dhe Pashko Malota rrezikohen të dëbohen nga Britania e Madhe për rolin e tyre në prodhimin e më shumë se 1000 bimëve kanabis.
Ata u arrestuan për shkak të një bastisjeje në magazinë CB Furniture në rrugën Shaë, Great Lever, më 1 qershor. Mediat e huaja raportojnë se dy shqiptarët ranë dakord të kujdeseshin për fermën e kanabisit për të shlyer borxhin e shkaktuar për kalimin e tyre në Mbretërinë e Bashkuar me kamionë disa vite më parë.
jatë operacionit policia sekuestroi bimë kanabisi me një total prej më shumë se 60 kg drogë, si dhe pothuajse 8 kg drogë që ishin vendosur nëpër thasë. Ata akuzuan Markajn dhe Malotën për prodhimin e një lënde të klasit B, akuza e cila u pranua nga dy shqiptarët. 30-vjeçari Markaj tha nga ana tjetër se nuk kishte zgjidhje tjetër veçse të pranonte ofertën e punës.
Gjykatësi pranoi se dyshja, ndaj të cilëve nuk rëndonte asnjë akuzë e mëparshme penale, ishin punëtorë me pak ose aspak vetëdije për organizatën kriminale ku ata ishin punësuar. Ndërkohë, Malota, i cili pohoi se ka ish-gruan me kancer dhe dy fëmijë gjithashtu në Britaninë e Madhe, shtoi se “barra do i bjerë asaj për t’u kujdesur për fëmijët”.
Në përfundim të seancës, dy shqiptarët u dënuan me 20 muaj burg, ku gjysma e dënimit do të kryhet me burg dhe pjesa tjetër me garanci. Po ashtu ata u paralajmëruan se rrezikojnë të dëbohen pas përfundimit të afatit të garancisë.