Një ngjarje tragjike ka ndodhur në Itali, ku një 58-vjeçar me origjinë shqiptare ka humbur jetën.
Mësohet se shqiptari ka pësuar një aksident teksa ishte duke punuar në një lartësi prej 4 matrash në Asola, në zonën e Mantovës. Ai po punonte me dajën e tij për rinovimin e një ndërtese, por aksidentalisht është rrëzuar nga skela e ndërtimit. Sipas mediave italiane viktima i identifikuar si Abdulla Bisku gjeti vdekjen e menjëhershme pas rrëzimit më tokë.
Policia ka shkuar në vendngjarje dhe po heton për zbardhjen e rrethanave të aksidentit. Aktualisht viktima jetonte me familjen e tij në Asola, vetëm 300 metra larg vendit të aksidentit.