Detaje të reja janë zbardhur në lidhje me ngjarjen e rëndë të ndodhur mbrëmjen e djeshme në Shkozë, ku u vra 18-vjeçari Aurelio Dervishi.
Policia bën me dije se është shoqëruar Frensis Shehu, 20-vjeç, dy të mitur të moshës 16 vjeç, dhe një 15 vjeç. Shkak për sherrin ka qenë një 16-vjeçare, e cila ka qenë e lidhur me një prej agresorëve dhe kur këta të fundit kanë kuptuar që ajo ka qenë në automjetin tip “Audi”, i kanë bërë shenjë mjetit për ta ndaluar dhe më pas janë konfliktuar fizikisht.
Viktima mësohet se ka dalë nga automjeti, ndërsa në pamundësi për t’u përballur fizikisht, ka qenë 15-vjeçar i cili ka qëlluar me thikë në gjoks Aurelion.