Një ngjarje e rëndë ka ndodhur në Vlorë ditën e sotme ku një person ka ndërruar jetë, pasi banesa e tij është përfshirën ga flakët.
Mësohet se ngjarja ka ndodhur në qendër të qytetit, ku viktima është gjetur nga zjarrfikësit brenda banesës, pas shuarjes së zjarrit. Sipas punonjësve të zjarrfikëses dyshohet se viktima është gjendur mes vatrës së zjarrit dhe nuk ka pasur mundësi të largohet.
“Shërbimi zjarrfikës mori njoftim për një zjarr në këtë banesë, e cila është shumë e vjetër. Menjëherë u vumë në dispozicion të ngjarjes me të gjitha forcat dhe mjetet. Kur erdhëm në vendin e ngjarjes konstatuam se zjarri kishte marrë përmasa të mëdha, pasi flakët kishin dalë mbi çati.
Me veprimet tona të shpejta bëmë të mundur fillimisht izolimin e flakëve dhe pastaj u futëm brenda sepsa na thanë që ndodhej një person brenda banesës. U futëm brenda dhe konstatuam se persona ka ndërruar jetë pasi është ndodhur në mes të vatrës së zjarrit. Ndoshta ka qenë moshë e madhe dhe nuk ka pasur mundësi të dilte nga banesa. Besoj se shkak do ketë qenë përdorimi i ndonjë ngrohësje”– tha një nga punonjësit e zjarrfikëses.