Dy fëmijë janë plagosur rëndë nga një sulm i rastësishëm me thikë teksa po shkonin për në shkollë.
Dy vajzat, që besohet se janë 13 dhe 14 vjeç, u sulmuan nga një burrë mëngjesin e sotëm në Illerkirchberg, një qytet në jug të Gjermanisë.
Dëshmitarët kanë lajmëruar menjëherë policinë dhe ambulancën. Tashmë dy vajzat janë dërguar në spital.
Autori u largua nga vendi i ngjarjes dhe u fsheh në një ndërtesë, që besohet të jetë strehim për refugjatë, sipas Bild.
Policia rrethoi ndërtesën përpara se të sulmonte, duke arrestuar banorët përfshirë sulmuesin.
Sipas SWR, tre persona u arrestuan dhe të tjerët u dërguan në polici.
Një grup i posaçëm i policisë u vendos në zonë, me oficerë që përdorën drone për të kapur autorin.
Nuk dihet se cili ishte motivi i sulmuesit apo nëse ai dhe dy vajzat njiheshin me njëra-tjetrën.