Një ngjarje e rëndë ka ndodhur në Kosovë, ku një 61-vjeçar nga Maqedonia e Veriut është gjetur pa shenja jete në një motel.
Mësohet se viktima është gjetur në një motel në Ferizaj, sot rreth orës 16:35. Nuk dihet ende shkaku i vdekjes, teksa trupi ëshët dërguar në institutin e mjekësisë ligjore për t’iu nënshtruar autopsisë.
“Më datën 15.02.2024, rreth orës 16:35 kemi pranuar një informatë se në rrugën magjistrale Ferizaj-Prishtinë, në një motel në Ferizaj, një person, mashkull, i moshës 61 vjeçar, shtetas i Maqedonisë së Veriut është gjetur pa shenja jete, vdekja e të cilit është konfirmuar nga mjekët kujdestar”, deklaroi policia.