Një ngjarje e rëndë, që mund të përfundonte në tragjedi ka ndodhur mesditën e sotme në spitalin “Nënë Tereza” në Tiranë.
Mësohet se një 61-vjeçar është rrëzuar aksidentalisht nga kati i dytë i Qendrës Spitalore Universitare. Policia thotë se bëhet fjalë për shtetasin me iniciale L.H., i cili fatmirësisht, ndodhet jashtë rrezikut për jetën. Grupi hetimor ka mbërritur në ambientet e spitalit dhe po punon për sqarimin e rrethanave të ngjarjes.
“Më datë 19.08.2024, në QSUT, dyshohet se aksidentalisht ka rënë nga lartësia e katit të dytë, shtetasi L. H., 61 vjeç, banues në Burrel, i cili ndodhet jashtë rrezikut për jetën”, thotë policia.