Një aksident i rëndë ka ndodhur gjatë mbrëmjes së djeshme në Itali, ku 7 persona kanë mbetur të plagosur.
Ngjarja e rëndë ka ndodhur në hyrje të nënkalimit në via Dal Cero në Verona, ku tre makina janë përplasur kokë më kokë, ndërsa ende nuk dihet shkaku i aksidentit.
Në aksident janë përfshirë një automjet tip “Fiat Cinquecento” që drejtohej nga një shtetas shqiptar 23 vjeç, një “Renault Modus” që drejtohej nga një 25-vjeçar, si dhe një “Toyota Yaris” që drejtohej nga një 60-vjeçar. Raportohet se 4 nga të plagosurit janë në gjendje të rëndë, teksa u desh ndërhyrja e zjarrfikësve për t’i nxjerrë nga automjetet.