![](https://dk-news.com/wp-content/uploads/2023/11/WhatsApp-Image-2023-11-21-at-22_sd-1024x576.jpg)
Një ngjarje e rëndë ka ndodhur mbrëmjen e sotme në Kavajë, ku një person ka ndërruar jetë.
Ngjarja ka ndodhur në aksin rrugor Kavajë-Durrës, ku një automjet me drejtues 27-vjeçarin Tahir Spahiu ka aksidentuar një shtetas këmbësor ende të paidentifikuar, i cili ka humbur jetën menjëherë në vendngjarje.
Drejtuesi i automjetit është shoqëruar në ambientet e Komisariatit të Policisë Kavajë për veprime të mëtejshme.
Grupi hetimor ndodhet në vendngjarje dhe po punon për sqarimin e rrethanave të aksidentit dhe identifikimin e shtetasit që humbi jetën.