Policia greke ka vënë në pranga një adoleshent shqiptar pasi dyshohet se pas një sherri ka goditur me thikë dy persona.
Sipas mediave vendase, dy të plagosurit janë të moshës 39 dhe 26 vjeç.
Gjithashtu bëhet e ditur se përveç 17-vjeçarit gjatë sherrit ka qenë i përfshirë edhe një shqiptar tjetër i shpallur në kërkim.
“Protothema” shkruan se dy shqiptarët kanë goditur me thikë shtetasit grekë. Ata u dërguan në spitalin e Rodosit dhe pasi morën ndihmën mjekësore u larguan.
Ndërkohë është arrestuar edhe babai i 17-vjeçarit për neglizhencë mbikëqyrje.