Detaje të reja janë zbardhur nga arrestimi i Pjetër Peçanit mbrëmjen e sotme, një ndër personat më të kërkuar nga policia në vend.
Mësohet se ai u kap dhe në momentin e arrestimit, atij iu gjetën 3 automatikë dhe pistoleta.
Peçani akuzohet për një vrasje të dyfishtë të ndodhur më 18 shkurt 2011. Ai ishte pronar i kompanisë së betonit “Paçani Sh.p.k” ne Laç ndërsa sipas Gjykatës së Tiranës është autor i vrasjes së Ndoc Zymajt dhe Vlash Gjeçit në autostradën Laç – Fushë Krujë.
Dyshohet se shkak i këtij krimi të dyfishtë ka qenë një kontratë huamarrje mbi 100 mijë euro.