Një 21-vjeçar shqiptar ka rënë në prangat e policisë italiane, pas kapjes së 8 kilogramëve kokainë.
Mësohet se shqiptari u ndalua nga karabinierët për një kontroll, dhe ishte qeni i policisë ai që kishte zbuluar drogën në makinën e tij. Lënda narkotike ishte e ndarë në 8 pako dhe, nëse do të hidhej në treg, dot kapte vlerën e 3.5 miliona eurove.
I riu shqiptar kishte krijuar një mekanizëm të veçantë poshtë kutisë së marsheve të makinës, ku kishte fshehur drogën, në mënyrë që të mos gjendej.
Pasi qeni nuhati lëndën narkotike, policët vunë re pjesa e poshtme e dyfishtë e makinës hapej me një sistem mekanik me leva, duke futur një hekur në një vrimë.
Shqiptari tashmë ndodhet në paraburgim, në pritje të vendimit të gjykatës.